Նկարչի մասին

1992 – Ծնվել է ք․ Էջմիածին Արմավիրի մարզ
1998-2007 – սովորել է Մ․ Մաշտոցի անվան թ. 1 միջին դպրոցում
2007-2012 – սովորել է Փանոս Թերլեմեզյանի անվան պետական քոլեջում
2012-2016 – սովորել է Երևանի գեղարվեստի պետական ակադեմիայում
2018-2020 – սովորել է Երևանի գեղարվեստի պետական ակադեմիայի մագիստրատուրայում
2021 – Հայաստանի նկարիչների միության անդամ

Ցուցահանդեսներ

2011 – «Բացահայտենք տաղանդներ», Երևանի քաղաքապետարան
2012 – «2011 նախագահական մրցանակ» ցուցահանդես, Հայաստանի նկարիչների միություն, Երևան
2012 – ՀՀ ազգային հերոս Մովսես Գորգիսյանին նվիրված ցուցահանդես, Հայաստանի նկարիչների միություն, Երևան
2013 – Երիտասարդական մրցույթ-ցուցահանդես, Հայաստանի նկարիչների միություն, Երևան
2013 – «2012 նախագահական մրցանակ» ցուցահանդես, Հայաստանի նկարիչների միություն, Երևան
2014 – «Սուրբ Սարգիս» տոնին նվիրված ցուցահանդես, Հայաստանի նկարիչների միություն, Երևան
2014 – «2013 նախագահական մրցանակ» ցուցահանդես, Հայաստանի նկարիչների միություն, Երևան
2014 – «Անհատական ցուցահանդես», Էջմիածնի քաղաքապետարան
2014 – Երևանի և Թբիլիսի գեղարվեստի ակադեմիայի համատեղ ցուցահանդես, Թբիլիսի
2014 – Երևանի Գեղարվեստի Պետական Ակադեմիայի ուսանողների աշխատանքների ցուցահանդես, «Karllewon» ցուցասրահ, Երևան
2014 – «Մի կտոր կրակ» ցուցահանդես, Հայաստանի նկարիչների միություն, Երևան
2014 – ՌԴ Եվրասիական միությունների ցուցահանդես, Եկատերինբուրգ
2018 – Հանրապետական ցուցահանդես, Հայաստանի նկարիչների միություն, Երևան
2019 – Հանրապետական ցուցահանդես, Հայաստանի նկարիչների միություն, Երևան
2019 – «Armenia Art fair», Երևան
2021 – Երևանի Գեղարվեստի Պետական Ակադեմիայի հիմնադրման 75-ամյակին նվիրված հոբելյանական ցուցահանդես, Հայաստանի նկարիչների միություն, Երևան
2022 – Հանրապետական ցուցահանդես, Հայաստանի նկարիչների միություն, Երևան
2023 – «Ի սկզբանե» խորագրով ցուցահանդես, Էջմիածին

Կարծիքներ

Համազասպ Մանուկյանին ճանաչում եմ 2014 թվականից, ծանոթ եմ նրա գործերին։ Կարծես ինքս մասնակիցն եմ եղել նրա կայացմանը, տեսել եմ նրա անցած ուղին։ Կրթություն ստանալով ակադեմիայում` Համազասպը կատարելագործվեց, վարպետացավ։ Դա ակնհայտ է նրա գործերում։ Հետաքրքիր են բազմամարդ կոմպոզիցիաները, մարդկանց զգեստներն ու միջավայրը։ Ընտրում է իրեն հարազատ թեմաներ, յուրահատուկ գունային գամմա։ Կարող ես անմիջապես ճանաչել նրա ձեռագիրը։ Կարծում եմ` նա կարող է ցանկացած ցուցասրահում ցանկացած նկարչի կողքին ցուցադրվել։ Ականատես լինելով նրա ստեղծագործությունների արարմանը` կարող եմ վստահորեն ասել, որ նման արվեստագետի պահանջ ուներ մեր քաղաքը, ինչու չէ, նաև մեր երկիրը։ Վերջին շրջանի դիմանկարները և գրաֆիկական աշխատանքները արված են բարձր պրոֆեսիոնալիզմով և ճաշակով։ Այդ ինքնատիպ գործերն արարված են թանգարաններում ցուցադրվելու համար։ Արվեստասեր մարդու երազանքը կարող է լինել Համազասպ Մանուկյանի վրձնած կտավը։

Ներսես Մելիքյան

Նկարիչ, արվեստագետ

Ես քո արվեստում տեսնում եմ ներկայացում, ուր հերոսներդ անգամ ուրախ գույների մեջ միշտ տխուր դերեր են խաղում, քո տրամադրությունն է, թե մեր ողջ ազգինը՝ դժվար է միանշանակ ասել։ Նույնը վերաբերվում է գրաֆիկական գործերիդ։

Սամ Զումյան

Նկարիչ